Բաժնի հիմնական գործառույթներն են.
փաստաթղթաշրջանառության մասով
- գործավարության իրականացում,
- տնօրենի, տնօրենի տեղակալների և դեկանների ստորագրությամբ փաստաթղթերի կնքում,
- մասնաճյուղին հասցեագրված և մասնաճյուղից դուրս եկող յուրաքանչյուր փաստաթղթի (որոշում, հրաման, և այլ կարգի գրություններ) ճիշտ և ժամանակին համարակալված գրանցման և ըստ պատկանելության հանձնման կազմակերպում,
- մասնաճյուղի տարբեր ստորաբաժանումների կողմից կատարման որոշակի ժամկետ ունեցող գրությունների և հրահանգների ժամանակին կատարման վերահսկում,
- մասնաճյուղից դուրս եկող յուրաքանչյուր փաստաթղթի փոստային կամ էլեկտրոնային առաքման իրականացում սահմանված ժամկետներում,
- մասնաճյուղի ընդհանուր աշխատանքային գործունեությանը վերաբերվող հրամանների ժամանակին գրանցման ու համապատասխան ստորաբաժանումներին առաքման իրականացում,
- ուսումնական գործընթացին առնչվող ստորաբաժանումների (ֆակուլտետներ, բաժանմունք) ընդունելության, ավարտման, ազատման, տեղափոխման, վերականգնման, նկատողության, խրախուսման և այլ կարգի հրամանների գրանցման ու առաքման իրականացում,
- շրջանառվող ծառայողական փաստաթղթերի պահպանության ապահովում,
- փաստաթղթային նյութերի (որոնց հետ կապված արդեն ավարտված են գործավարական գործողությունները) պատրաստում և հանձնում մասնաճյուղի արխիվ, ինչպես նաև արխիվ հանձնվող գործերի ցուցակի կազմում:
կադրերի մասով.
- աշխատակիցների աշխատանքային իրավունքների պաշտպանվածության իրականացում համաձայն ՀՀ աշխատանքային օրենսգրքի,
- աշխատանքի ընդունման և ազատման, այլ աշխատանքի փոխադրման, աշխատանքային պայմանագրերի երկարացման, դրույքաչափերի փոփոխման, արձակուրդների հատկացման, պարգևատրման և մասնաճյուղի անձնակազմի աշխատավարձերի վերահաշվարկման հրամանների հրամանագրման իրականացում, նոր աշխատակիցներին ներքին կարգապահական կանոններին ծանոթացում,
- հաստատված հրամանների մշակման ենթարկում՝ (անձնական գործի ստեղծում, ծանոթացում հրամաններին, հրամանների քաղվածքների և պայմանագրերի կցում աշխատողների անձնական գործերին ու առաքում համապատասխան ստորաբաժանումներ, կատարվող փոփոխությունների գրանցում աշխատանքային գրքույկներում):
- նոր ուսումնական տարվա սկզբին սահմանված կարգով դասախոսական անձնակազմի աշխատանքային պայմանագրերի և համաձայնագրերի կազմում,
- համապատասխան հաշվետվությունների նախապատրաստում և տնօրենի հաստատումից հետո դրանք սահմանված ժամանակացույցով ներկայացում իրավասու մարմիններին,
- մասնաճյուղի անձնակազմի աշխատաժամանակի հաշվարկի տեղեկագրերի վերաստուգման իրականացում,
- կենսաթոշակային տարիքը լրացած աշխատակիցների փաստաթղթերի ձևակերպում, անաշխատունակության թերթիկների մշակում, տեղեկանքների տրամադրում,
- աշխատանքից ազատված աշխատակիցների անձնական գործերի արխիվացում:
ռեժիմամոբիլիզացիոն աշխատանքների մասով.
- քաղաքացիական պաշտպանության ոլորտի աշխատանքների համակարգում,
- մասնաճյուղի աշխատող և սովորող զինակոչիկների ու զինապարտների ամրագրում,
- ուսանողներին տարկետում ստանալու համար զինկոմիսարիատ ներկայացվող տեղեկանքի (ձև 26) տրամադրում:
արխիվավարման մասով.
- մասնաճյուղի տարբեր ստորաբաժանումներից համապատասխան փաստաթղթերը ժամանակին արխիվ հանձնելու նկատմամբ հետևողական հսկողության իրականացում,
- մասնաճյուղի կառուցվածքային ստորաբաժանումներից ստացված գործավարության տեսակետից ավարտուն փաստաթղթերի պահպանման ընդունում և գրանցում,
- արխիվ ընդունած փաստաթղթերի և գործերի կարգավորում, համակարգում, օգտագործում ու պահպանում,
- արխիվում գտնվող փաստաթղթերի պահպանման կատարելագործում,
- մշտական և ժամանակավոր պահպանման փաստաթղթերի հանրագումարային ցուցակների, փաստաթղթերի դուրսգրման և մարման ակտերի նախապատրաստում,
- արխիվային փաստաթղթերում եղած տեղեկությունների հիման վրա արխիվային փաստաթղթերի կամ դրանց պատճենների նախապատրաստում,
- քաղաքացիների դիմումները բավարարելու համար անհրաժեշտ տեղեկանքների կազմում, դրանց հիմքերի ճշգրտում և դրանք մասնաճյուղի տնօրենի հաստատմանը ներկայացում (անհրաժեշտության դեպքում ապահովելով նաև հիմքերի առկայությունը):
Ընդհանուր բաժինն իր գործառույթների շրջանակներում իրականացվող (և իրականացված) աշխատանքների վերաբերյալ պարբերաբար հաշվետվություններ է ներկայացնում մասնաճյուղի ղեկավարությանը:
Աշխատակազմը
-
-
- Ավետիսյան Արուս Ռոբերտի` բաժնի պետ
-
-
- Հարությունյան Անահիտ Ալեքսեյի` կադրերի գծով տեսուչ
-
- Մովսիսյան Հերմինե Վարդազարի ՝ գործավար
- Գրիգորյան Մարինե Շուրայի` արխիվավար