Բաժնի հիմնական գործառույթներն են.
կրթության որակի ապահովման մասով.
- մասնաճյուղում ներդրված որակի միասնական համակարգի սխեմայի մշակում և այդ համակարգի շարունակական կատարելագործում, իրականացվող գործընթացների բարելավում, որակի ապահովման ներքին մշակույթի ձևավորում և շարունակական զարգացում,
- մասնաճյուղի և նրա կրթական ծրագրերի հավատարմագրման համար համապատասխան աշխատանքների իրականացում,
- ՀԱՊՀ-ում «թյունինգյան» մեթոդաբանությամբ մշակվող նոր կրթական ծրագրերի և կրեդիտային համակարգի մասնաճյուղում ներդրման ընթացքի մշտադիտարկում,
- որակի գնահատման խնդիրների և մեթոդների վերաբերյալ վարչական, պրոֆեսորադասախոսական կազմի և ուսանողների պատշաճ մակարդակով տեղեկացվածության ապահովում,
- մասնաճյուղի և կրթական ծրագրերի որակի ներքին ու արտաքին գնահատման գործընթացներում բոլոր ստորաբաժանումների, ուսանողների և մյուս շահակիցների մասնակցության ապահովում,
- մասնաճյուղի ֆակուլտետների դեկանների, բաժանմունքի և ամբիոնների վարիչների, որակի ապահովման ամբիոնային պատասխանատուների համար հրահանգչամեթոդական խորհրդակցությունների և սեմինարների կազմակերպում, մեթոդական և վերլուծական աջակցության տրամադրում,
- որակի ապահովման խնդիրներով մասնաճյուղում (անհրաժեշտության դեպքում գործատու կազմակերպություններից ներկայացուցիչների մասնակցությամբ) քննարկումների կազմակերպում,
- ֆակուլտետների (բաժանմունքի) գործունեության որակի գնահատման և բարձրացման ուղղությամբ ներքին գործառույթների մշակում,
- միջանկյալ ստուգումների, ստուգարքների, կիսամյակային քննությունների, կուրսային աշխատանքների (նախագծերի) և պրակտիկաների հանձնման, ամփոփիչ քննությունների և ավարտական աշխատանքների պաշտպանությունների արդյունքների ամփոփում և վերլուծություն,
- ուսանողների ուսման որակի և առաջադիմության բարձրացման, նրանց գիտահետազոտական աշխատանքներում ներգրավման և ինտելեկտուալ զարգացման ապահովման գործընթացների վերահսկում,
- որակի ապահովման ուղղությամբ ուսումնական ստորաբաժանումների գործունեության արդյունավետ և ոչ արդյունավետ կողմերի, հնարավորությունների և վտանգների բացահայտում,
- որակի ապահովման ուղղությամբ իրականացվող աշխատանքների վերաբերյալ տարեկան հաշվետվության ներկայացում,
- կրթական ծրագրերից, դասընթացը վարած դասախոսից և ուսումնական գործընթացի կազմակերպման մակարդակից ուսանողների բավարարվածության աստիճանի ամենամյա գնահատման գործընթացի կազմակերպում, արդյունքների ամփոփում և ներկայացում հետագա քննարկման և երաշխավորությունների ձևավորման։
- ստացած կրթությունից շրջանավարտների բավարարվածության աստիճանի ամենամյա գնահատման գործընթացի կազմակերպում, արդյունքների ամփոփում և ներկայացում հետագա քննարկման և երաշխավորությունների ձևավորման,
- մասնաճյուղի շրջանավարտներից գործատուների բավարարվածության աստիճանի պարբերական գնահատման գործընթացի կազմակերպում, արդյունքների ամփոփում և ներկայացում հետագա քննարկման և երաշխավորությունների ձևավորման,
- համաձայն «ՀԱՊՀ կրթական ծրագրերի որակի ապահովման ընթացակարգեր» ուղեցույցի պահանջների տարեկան մոնիթորինգի ենթակա կրթական ծրագրերի և դրանց առանձին դասընթացների (ըստ անհրաժեշտության) ցանկի ու անցկացման ժամանակացույցի ձևավորում և հաստատման ներկայացում, դրանց իրականացման չափանիշային և ընթացակարգային պահանջների պահպանման ապահովում,
- համագործակցություն ՀԱՊՀ Որակի կենտրոնի և ՈԱԱԿ-ի հետ՝ որակի ներքին ապահովման և հավատարմագրման պահանջների մշտատեղյակության և ներքին տարածման նպատակով։
արտաքին կապերի մասով.
- մասնաճյուղի Ընդունող հանձնաժողովի կողմից ձեռնարկված, ապագա դիմորդների շրջանում տարվող մասնագիտական կողմնորոշմանն ուղղված գործընթացներին աջակցում,
- կրթական, գիտական, հասարակական, բարեգործական, գործընկեր և մասնաճյուղի հետ համագործակցող այլ կազմակերպությունների հետ տարվող աշխատանքների կազմակերպում,
- մասնաճյուղի մասնագիտություններին համապատասխան տնտեսավարող կազմակերպությունների վերաբերյալ տեղեկատվական բազայի ձևավորում և մշտական թարմացում,
- մասնաճյուղի հետ համագործակցող կազմակերպությունների հետ մշտական կապի և տեղեկատվության փոխանակման ապահովում,
- առկա արտաքին կապերի շրջանակների ընդլայնման ու զարգացման և նոր կապերի հաստատման վերաբերյալ առաջարկների մշակում, կատարված առաջարկների վերլուծություն և դրանց ներկայացում մասնաճյուղի տնօրինությանը,
- մասնաճյուղի լրատվական-գովազդային և մարքեթինգային միջոցառումների, մասնաճյուղի վերաբերյալ ԶԼՄ անդրադարձների բազայի ձևավորում,
- մասնաճյուղի հետ համագործակցող կազմակերպություններից ստացվող դրամաշնորհային, կրթաթոշակային և այլ ծրագրերի վերաբերյալ տեղեկատվության տարածում մասնաճյուղում,
- շրջանավարտների (մասնաճյուղի շրջանավարտների միության) և մասնաճյուղի միջև մշտական կապի հաստատում ու համագործակցության ապահովում, ինչպես նաև մասնաճյուղի առջև ծառացած խնդիրների լուծմանը շրջանավարտների (մասնաճյուղի շրջանավարտների միության) ներգրավում,
- «ԵՐՊԻ-ՀԱՊՀ շրջանավարտների ասոցիացիայի» հետ հնարավորինս համագործակցում և սույն խողովակով ընձեռնվող հնարավորությունների առավելագույնս օգտագործում:
ուսանողների կարիերայի աջակցման մասով.
- ուսումնական պլաններով նախատեսված բոլոր տիպի պրակտիկանների նախապատրաստում, այդ թվում` համապատասխան ամբիոնների հետ համատեղ պրակտիկաների անցկացման համար կազմակերպությունների և ուսումնական բազաների ընտրության իրականացում,
- ուսանողների և շրջանավարտների կարիերայի աջակցման ուղղությամբ մասնաճյուղում տարվող աշխատանքների համակարգում,
- մասնաճյուղի ավարտական կուրսերի ուսանողների և շրջանավարտների վերաբերյալ տեղեկատվական բազայի ձևավորում և մշտական թարմացում,
- ուսանողների, շրջանավարտների և պոտենցիալ գործատուների միջև արդյունավետ կապի ապահովում,
- մասնաճյուղի ուսանողների և շրջանավարտների շրջանում տարբեր ուսումնասիրությունների իրականացում, տեղական ու միջազգային աշխատաշուկայի զարգացման միտումների վերաբերյալ ուսումնասիրությունների իրականացում, տեղեկատվության մշակում և ներկայացում,
- ուսանողների և շրջանավարտների համար աշխատանք գտնելու և այլ հիմնահարցերի վերաբերյալ տարբեր տեսակի խորհրդատվությունների, դասընթացների, սեմինարների և այլ միջոցառումների կազմակերպում, համապատասխան տեղեկատվության տարածում:
Կրթության որակի ապահովման և արտաքին կապերի բաժինն իր գործառույթների շրջանակներում իրականացվող (և իրականացված) աշխատանքների վերաբերյալ պարբերաբար հաշվետվություններ է ներկայացնում մասնաճյուղի ղեկավարությանը:
Աշխատակազմը
Իսակյան Նունե Լիպարիտի` բաժնի պետ
Սանոյան Նինա Սերժիկի ՝ բաժնի ավագ տեսուչ
Գալստյան Գայանե Վարուժանի՝ բաժնի ավագ տեսուչ