Տեղեկատվական տեխնոլոգիաների և համակարգերի ամբիոնի պատմությունը սկիզբ է առնում 1998 թվականից, երբ Հայաստանի պետական ճարտարագիտական համալսարանի Կապանի կրթահամալիրում ստեղծվեց Կառավարման ավտոմատացված համակարգերի և ինֆորմատիկայի ամբիոնը: 2013 թվականին ամբիոնը վերանվանվեց Տեղեկատվական տեխնոլոգիաների, ինֆորմատիկայի և ավտոմատացված համակարգերի ամբիոն, իսկ 2024 թվականից՝ Տեղեկատվական տեխնոլոգիաների և համակարգերի ամբիոն։
Ամբիոնը ղեկավարել են տեխնիկական գիտությունների թեկնածու, դոցենտ Սեյրան Շամիրի Բալասանյանը (1998-2013թթ.), ավագ դասախոս Սիրվեն Գեղամի Համբարձումյանը (2013-2018թթ.), 2019 թվականից մինչ այժմ՝ տեխնիկական գիտությունների դոկտոր, պրոֆեսոր Սեյրան Շամիրի Բալասանյանը: Ներկայումս ամբիոնում աշխատում են 1 տեխնիկական գիտությունների դոկտոր, պրոֆեսոր, 1 տեխնիկական գիտությունների թեկնածու, դոցենտ և 3 դասախոս։
ՏՏ և Հ ամբիոնը թողարկում է ինֆորմատիկայի բակալավրեր «Տեղեկատվական տեխնոլոգիաներ» և «Տեղեկատվական համակարգեր» կրթական ծրագրերով:
«Տեղեկատվական տեխնոլոգիաներ» կրթական ծրագրի շրջանավարտներն աշխատաշուկայում մեծ պահանջարկ ունեն: Նրանք կարող են աշխատել որպես.
– ծրագրավորող,
– համակարգային ադմինիստրատոր,
– տվյալների բազայի (ՏԲ) ադմինիստրատոր,
– համակարգային ճարտարապետ,
– համակարգային վերլուծաբան,
– թեստավորող,
– օգտագործելիության մասնագետ (UseabIlity and User eXperience, UI/UX),
– SEO (Search Engine Optimization)-մասնագետ,
– Web-վարպետ և Web-ծրագրավորող ։
«Տեղեկատվական համակարգեր» մասնագիտությամբ շրջանավարտը ինչպես ՀՀ–ում, այնպես էլ արտերկրում ունի մեծ պահանջարկ։ Այն հազվագյուտ մասնագիտություններից է, որը հնարավորություն է տալիս մարդկային գործունեության գրեթե բոլոր ոլորտներում ստեղծել ու շահագործել տեղեկատվության մշակման և կառավարման ավտոմատացված համակարգեր։ ՏՀ մասնագիտության գծով ճարտարագետի գործունեության ոլորտը արտադրական ձեռնարկությունների և տեխնոլոգիական գործընթացների իրական ժամանակի, ինտեգրված, բաշխված ավտոմատացված կառավարման համակարգերի մշակումը և շահագործումն է:
ՏՀ մասնագիտությամբ շրջանավարտները կարող են աշխատել որպես.
– տեղեկատվական համակարգերի ճարտարագետ,
– ճարտարագետ ծրագրավորող,
– համակարգային վերլուծաբան,
– քոմփյութերային ցանցի ադմինիստրատոր:
 |
 |
|
| Սեյրան Շամիրի Բալասանյան | Հերմինե Միշայի Գևորգյան | |
| ՏՏ և Հ ամբիոնի վարիչի պաշտոնակատար | Տեխն. գիտ. թեկնածու, դոցենտ | |
| Տեխն. գիտ. դոկտոր, պրոֆեսոր | ||
 |
 |
|
| Նելլի Վոլոդյայի Ենոքյան | Մանե Անդրանիկի Աղագուլյան | |
| Դասախոս | Դասախոս | |
 |
||
| Արուս Ռոբերտի Ավետիսյան | ||
| Դասախոս | ||